《一支公飲食地圖：灣仔豪星》
如果要在灣仔吃早餐，佬編首先會想：「夠唔夠時間食豪星呢？」廿幾蚊一個餐蛋麵，餐蛋專登煎香之餘，麵用出前一丁。咖啡奶茶，既濃又滑。但豪星的好不只如此。
除了有佬編最愛的實幹型伙記，豪星早上還設有少量路邊茶座，有時間的話，一定要坐低堂食，邊欣賞人來人往的風景，邊嘆奶茶，簡直是人生一大享受。
為防大家唔識去，佬編專登影埋街名，豪星舖面雖小，但紅底橙字招牌相當搶眼，不難搵的。
(［一支公飲食地圖］是佬訊新開的系列，與諸君分享獨食的浪漫，希望大家會喜歡我們喜歡的食店！)
#一支公飲食地圖 #早餐 #佬訊 #bestmorning